Qytaı temirjoldary bir kúndik jolaýshylar aǵyny boıynsha rekord ornatty
ASTANA. KAZINFORM – Qytaıda QHR qurylǵan kúnge oraı merekelik demalys bastalǵan 1 qazanda temirjol kóligimen bir táýlikte rekordtyq 25,2 mln jolaýshy tasymaldandy. Bul týraly Kazinform agenttiginiń Beıjińdegi menshikti tilshisi Xinhua agenttigine silteme jasap habarlaıdy.
2 qazanda jolaýshylar tasymalynyń kólemi 20,4 mln adamǵa jetedi degen boljam bar. Suranysty qanaǵattandyrý úshin tasymaldaýshy qosymsha 1 462 poıyzdy iske qosýdy josparlap otyr.
Jolaýshylar eń kóp jóneltilgen qalalar qatarynda Beıjiń, Gýanchjoý, Shanhaı, Chendý, Shenchjen, Hanchjoý, Ýhan, Sıan, Chjenchjoý jáne Nankın bar.
Júktemesi joǵary baǵyttardyń qatarynda «Sıan – Chendý», «Beıjiń – Shenıan», «Beıjiń – Chjenchjoý» jáne «Beıjiń – Tsındao» baǵyttary ataldy.
Qytaı temirjoldary Kúz ortasy merekesi men QHR qurylǵan kúnine oraı 23 qyrkúıek pen 8 qazan aralyǵyndaǵy demalys kezeńinde shamamen 284 mln jolaýshy tasymaldaıdy dep kútilýde.
Buǵan deıin Qytaıda teńiz astyndaǵy eń uzyn avtojol týnnelin qazý aıaqtalǵany týraly jadyq.
