Qytaı Taıaý Shyǵystaǵy qaqtyǵysty retteýde deldal bolýy múmkin
ASTANA. KAZINFORM — Irannyń syrtqy ister mınıstri Abbas Aragchı Al Jazeera telearnasyna bergen suhbatynda Beıjińniń Taıaý Shyǵystaǵy qaqtyǵysty retteýde deldal bolýy múmkin ekenin aıtty, dep habarlaıdy Kazinform agenttiginiń Beıjińdegi menshikti tilshisi.
Suhbatta ırandyq dıplomattan qaqtyǵysqa yqpal ete alatyn elder týraly suraq qoıyldy. Ásirese Qytaı daǵdarysty retteýge qolaıly jaǵdaı jasap, araǵaıyn bola ala ma degen másele kóterildi.
Abbas Aragchıdiń sózinshe, Qytaı mundaı róldi atqara alatyn sanaýly eldiń biri ekenin aıtty.
— Qytaı Iran men Saýd Arabııasy arasynda pozıtıvti jáne sátti deldal bolǵan, jáne men eki el de QHR deldaldyǵy arqyly qol jetkizilgen kelisimderdi saqtap otyrǵanyna senimdimin, — dep atap ótti ol.
Onyń aıtýynsha, Qytaı sózsiz aıtarlyqtaı áleýetke ıe jáne basqa elderdiń de osyndaı múmkindikteri bar. Ol Iran tarapy Tegerannyń talaptary men sharttaryna saı keletin kez kelgen ıdeıany tyńdaýǵa daıyn ekenin atap ótti.
Osyǵan deıin Iran bıligi Ulttyq qaýipsizdik joǵary keńesi hatshysynyń qaza tapqanyn rastaǵanyn jazdyq.
