Qytaı suıytylǵan tabıǵı gaz tasymaldaıtyn iri kemesin iske qosty
ASTANA.KAZINFORM — Qytaı óziniń eń iri otandyq óndiristegi suıytylǵan tabıǵı gaz (STG) tasymaldaýshysyn tutynýshyǵa jetkizdi, dep habarlaıdy Kazinform agenttiginiń Beıjińdegi tilshisi.
Jetkizý rásimi ótken jeksenbide China Merchants Heavy Industry Co., Ltd. kompanııasynyń keme jasaý zaýytynda ótti. «Celsius Georgetown» dep atalatyn tanker aılaqtan shyǵyp, Sıngapýrǵa bet aldy.
Keme qos otyndy, tómen jyldamdyqty qozǵaltqysh júıesimen jabdyqtalǵan. Uzyndyǵy 298,8 metr jáne eni 48 metr bolatyn ol 180 000 tekshe metrge deıin otyn tasymaldaı alady.
Kompanııanyń baǵdarlama menedjeri Lý Tszınlýnnyń aıtýynsha, tapsyrys kitabynda qazirgi ýaqytta taǵy bes uqsas STG tasymaldaýshy bar. Barlyǵy qurylystyń ártúrli kezeńderinde. Serııadaǵy ekinshi keme tutynýshyǵa úsh aıdan keıin jetkizilýi tıis.
Bul tankerlerdiń negizgi mindeti — júkti óte tómen -163°C temperatýrada suıyq kúıde jetkizý.
Buǵan deıin Qytaı AQSh-tan suıytylǵan tabıǵı gaz satyp alýdy toqtatqanyn habarlaǵan edik.
