Qytaı sý tasqynynan zardap shekken joldardy qalpyna keltirýge 70 mln ıýan bóldi

ASTANA. KAZINFORM — Qytaı bıligi sý tasqynynan zardap shekken óńirlerdegi joldardy qalpyna keltirýge 70 mıllıon ıýan qarastyrdy, dep habarlaıdy Sınhýa.

Juma kúni Qytaı úkimeti sý tasqynynan zardap shekken aımaqtardaǵy joldardy shuǵyl qalpyna keltirý jumystaryna ortalyq úkimet bıýdjetinen 70 mıllıon ıýan (shamamen 9,81 mıllıon AQSh dollary) bólgenin málim etti.

Qarajat QHR Qarjy mınıstrligi men Kólik mınıstrligi arqyly jeti provıntsııalyq deńgeıdegi óńirge baǵyttaldy: Beıjiń, tikeleı ortalyqqa baǵynatyn Tıantszın qalasy, sondaı-aq Hebeı, Shansı, Tszılın, Chjetszıan jáne Fýtszıan provıntsııalary.

Bul qarjy kóshkin saldarynan qulaǵan jarlar, qıraǵan kópirler men sý astynda qalǵan jol ýchaskelerin jóndeýge baǵyttalady. Maqsat — halyqtyń ómiri men múlkiniń qaýipsizdigin qamtamasyz etý.

Aıta keteıik, osydan buryn Qytaıdyń soltústik-batysyndaǵy Gansý provıntsııasynda taý tasqyny saldarynan 10 adam qaza taýyp, 33 adam iz-túzsiz joǵalyp ketti.