Qytaı sý tasqynynan zardap shekken Shensı provıntsııasyna gýmanıtarlyq kómek jiberdi
ASTANA. KAZINFORM – Qytaı bıligi sý tasqynynan zardap shekken Shensı provıntsııasyna 65 myń gýmanıtarlyq júk jóneltti, dep habarlaıdy Sınhýa.
Qytaıdyń Tótenshe jaǵdaılardy basqarý mınıstrliginiń málimetinshe, gýmanıtarlyq kómek eldiń soltústik-batysyndaǵy Shensı provıntsııasynda sý tasqynynyń saldaryn joıý jáne zardap shekken turǵyndarǵa qoldaý kórsetý úshin jiberilgen.
Júk quramyna shatyrlar, jınalmaly kereýetter, kórpeler jáne alǵashqy qajettilik zattarynyń jıyntyqtary kiredi.
Bul gýmanıtarlyq kómekti Memlekettik tabıǵı apattardyń aldyn alý, zardaptaryn azaıtý jáne zardap shekkenderge kómek kórsetý komıtetiniń keńsesi, Tótenshe jaǵdaılardy basqarý mınıstrligi jáne Memlekettik astyq jáne materıaldyq rezervter basqarmasy birlesip bóldi.
Jetkizilgen materıaldyq resýrstar negizinen tótenshe jaǵdaıda kómek kórsetýge, turǵyndardy evakýatsııalaýǵa jáne ýaqytsha ornalastyrý jumystaryna paıdalanylady.
Sońǵy kúnderi Shensı provıntsııasynda nóser jaýyn tolassyz jaýdy. Sonyń saldarynan 27 ózendegi 38 gıdrologııalyq baqylaý beketinde sý deńgeıiniń eń joǵary kórsetkishi 46 ret tirkelgen.
Eske salaıyq, buǵan deıin Qytaı «Noýl» taıfýnyna baılanysty eń joǵary qaýip deńgeıin jarııalaǵan bolatyn. Tabıǵı apatqa baılanysty 715 myńnan astam adam evakýatsııalanyp, sý tasqynynan zardap shekken óńirlerge 180 mln ıýan kóleminde qarjy bólingen edi. Sondaı-aq nóser jańbyr saldarynan taǵy 65 myńǵa jýyq turǵyn qaýipsiz jerge kóshirilgen bolatyn.
Osyǵan deıin Qytaı sý tasqynynan zardap shekkenderge kómek retinde 180 mln ıýan bólgen bolatyn.
