Qytaı strategııalyq zymyrandy sýasty qaıyǵynan synaqtan ótkizdi
ASTANA. KAZINFORM — Qytaıdyń Qytaı halyq-azattyq armııasynyń Áskerı-teńiz kúshteri dúısenbi, 6 shildede sýasty qaıyǵynan strategııalyq zymyrandy sátti synaqtan ótkizdi, dep habarlaıdy Sınhýa.
Áskerı-teńiz kúshteriniń málimetinshe, strategııalyq atomdyq sýasty qaıyqtarynyń biri jergilikti ýaqyt boıynsha túste Tynyq muhıtynyń ashyq akvatorııasyna qaraı ımıtatsııalyq oqtumsyqpen jabdyqtalǵan strategııalyq zymyrandy ushyrǵan. Zymyran aldyn ala belgilengen nysanaǵa dál jetken.
Vedomstvonyń habarlaýynsha, bul ushyrý Qytaı Áskerı-teńiz kúshteriniń jyl saıynǵy oqý-jattyǵýlary aıasyndaǵy josparly is-shara sanalady. Qytaı tarapy synaq týraly tıisti elderdi aldyn ala habardar etken.
Sondaı-aq Qytaı ÁTK bul synaq halyqaralyq quqyq pen halyqaralyq tájirıbege tolyq sáıkes keletinin jáne qandaı da bir memleketke nemese naqty nysanaǵa qarsy baǵyttalmaǵanyn málimdedi.
Aıta ketelik adamzat tarıhyndaǵy eń úlken zymyran Starship synaq ushyrylymyn ótkizgen edi.
