Qytaı ınternet tehnologııalaryn synaýǵa arnalǵan jańa spýtnık ushyrdy
ASTANA. KAZINFORM — Qytaı 31 mamyr kúni spýtnıktik ınternet tehnologııalaryn synaýǵa jáne damytýǵa arnalǵan jańa tájirıbelik spýtnıkti orbıtaǵa sátti shyǵardy, dep habarlaıdy Kazinform agenttigi Sınhýaǵa silteme jasap.
Spýtnık Qytaıdyń ońtústik-batysyndaǵy Sychýan provıntsııasynda ornalasqan Sıchan ǵarysh aılaǵynan Beıjiń ýaqytymen saǵat 02:07-de ushyryldy.
Tasymaldaýshy zymyran retinde «Chanchjen-2D» qoldanyldy.
Spýtınık belgilengen orbıtaǵa sátti jetkizildi.
Ol negizinen jańa tehnologııalardy synaqtan ótkizý jáne olardyń tıimdiligin tekserý úshin paıdalanylady.
Atap aıtqanda, joba uıaly telefondardy jerserikpen tikeleı keń jolaqty baılanysqa qosý múmkindigin zertteýge baǵyttalǵan.
Sonymen qatar jerústi jáne ǵaryshtyq baılanys jelilerin biriktirý tehnologııalary da synalady.
Bul «Chanchjen» zymyrandar serııasynyń 646-shy ushyrylymy boldy.
Buǵan deıin Qytaı 2026 jyly aýqymdy ǵaryshtyq baǵdarlamany júzege asyratyny týraly jazdyq.
