Qytaı sport ındýstrııasynyń kólemin 1 trln dollarǵa deıin jetkizýdi kózdep otyr
ASTANA. KAZINFORM – QHR bıligi 2030 jylǵa qaraı jahandyq yqpaly bar birqatar sport kásiporyndary men jarystaryn qalyptastyrýdy josparlap otyr, bul otandyq sporttyq ındýstrııanyń kólemin 7 trln ıýannan (shamamen 985,2 mlrd dollar) astamǵa jetkizýge múmkindik beredi, dep habarlaıdy Kazinform.
Qytaı bıligi sabaqtas salalardyń joǵary sapaly damýyn yntalandyrý boıynsha aýqymdy kúsh-jigerdiń bóligi retinde sport ekonomıkasynyń tutyný áleýetin ashýǵa umtylyp otyr. Bul týraly Xinhua aqparat agenttigi habarlap, QHR Memlekettik keńesi shyǵarǵan tıisti qujattyń birqatar erejelerin keltirdi.
Qujat alty aspekt boıynsha 20 sharany belgileıdi, sonyń ishinde sporttyq taýarlar men is-sharalardy jetkizýdi keńeıtý, sport salasyndaǵy tutynýdy yntalandyrý, sport bıznesin qoldaý jáne aralas salalarda jańa ósý núktelerin qurý.
Naqty sharalarǵa ashyq aýadaǵy sport ındýstrııasyn damytý, qysqy ekonomıkany nyǵaıtý, sporttyq qural-jabdyqtardy jańartý, sport salasyndaǵy tutyný stsenarıılerin keńeıtý, yntymaqtastyqty tereńdetý kiredi.
Sondaı-aq, sport salasyn tsıfrlandyrýdy ilgeriletý jáne t.b. kúsh-jiger jumsalady.
Aıta keteıik, Dımash Qytaı telearnasymen birlesken mýzykalyq jobasyn Qazaqstanda túsiredi.