Qytaı soty: qyzmetkerdi JI-men almastyrý – jumystan shyǵarýǵa zańdy negiz emes
ASTANA. KAZINFORM – Qytaıdyń Hanchjoý qalalyq halyq soty qyzmetkerdi jasandy ıntellektimen almastyrýdy jumystan shyǵarýǵa zańdy negiz dep tanýdan bas tartty, dep habarlaıdy South China Morning Post
Іs 35 jastaǵy fınteh-kompanııa qyzmetkeriniń shaǵymy negizinde qaralǵan. Ol kompanııada jasandy ıntellekt júıeleriniń jumysyn tekserýmen aınalysqan. Qyzmetker jalaqysy men laýazymyn tómendetýge kelispegen soń jumystan bosatylǵan. Jumys berýshi onyń fýnktsııalary tolyqtaı avtomattandyrylǵan júıelerge berilgenin alǵa tartqan.
Sot jumys berýshiniń áreketin zańsyz dep tanydy. Sot sheshiminde qyzmetkerlerdi tek shyǵyndy azaıtý maqsatynda jasandy ıntellektimen almastyrý «obektıvti jaǵdaılardyń eleýli ózgerisi» retinde qarastyrylmaıtyny atap ótildi.
– Biz jasandy ıntellekt tehnologııalary adam eńbegin tolyqqandy almastyratyndaı deńgeıge jetti dep eseptemeımiz, – dedi sýdıa Shı Gotsıan.
Nátıjesinde talapker barlyq sot satysynda jeńiske jetip, kompanııa oǵan 260 myń ıýannan astam (shamamen 38 myń dollar) ótemaqy tóleýge mindetteldi.
Hanchjoý sotynyń derekterine sáıkes, 2025 jyly qalada eńbek daýlarynyń sany 61,7%-ǵa ósip, 12 359 iske jetken. Jasandy ıntellekt tehnologııalarynyń qarqyndy damýyna baılanysty osy salaǵa qatysty sot isteri de artyp keledi.
Aıta keteıik, buǵan deıin Qytaıdyń ońtústiginde jasandy ıntellekt sýdıalardyń jumys tıimdiligin eki esege arttyrǵany habarlanǵan edi.
