Qytaı SІM: Qazaqstandy Quryltaı saılaýynyń sátti ótýimen quttyqtaımyz
ASTANA. KAZINFORM — Qytaı Syrtqy ister mınıstrliginiń resmı ókili Lın Tszıan kezekti baspasóz máslıhatynda qazaqstandyqtardy alǵashqy Quryltaı saılaýynyń sátti ótýimen quttyqtady. Bul týraly Sınhýa agenttigi habarlady.
Onyń aıtýynsha, tatý kórshi ári máńgilik jan-jaqty strategııalyq seriktes retinde, Qytaı Qazaqstannyń táýelsiz ári derbes, ulttyq erekshelikterine saı keletin damý jolymen júrýine qoldaý kórsetedi.
— Qazaqstanda uzaq merzimdi turaqtylyqtyń saqtalǵanyn, ekonomıkanyń damyp, órkendegenin kórgimiz keledi. Qazaqstannyń memleketti gúldendirý jolynda jańa ári zor jetistikterge jetýine tilektespiz, — dedi Qytaı SІM ókili.
Lın Tszıan Qytaı tarapy Qytaı-Qazaqstan qatynastaryn damytýǵa zor mán beretinin atap ótti.
— Qytaı tarapy Qazaqstanmen birge memleket basshylary qol jetkizgen mańyzdy ýaǵdalastyqtardy muqııat júzege asyryp, ózara tıimdi jan-jaqty yntymaqtastyqty tereńdetýge jáne Qytaı-Qazaqstan qatynastaryn jańa deńgeıge kóterýge kúsh salýǵa daıyn, — dedi ol.
Eske sala keteıik, enbi kúni Beıjińde adam tárizdi robottar arasyndaǵy ekinshi Dúnıejúzilik oıyndardyń ashylý saltanaty ótti.
