Qytaı Syrtqy ister mınıstrliginiń ókili AQSh-ty qatań synǵa aldy

ASTANA. KAZINFORM - Qytaı Syrtqy ister mınıstrliginiń baspasóz hatshysy Lın Tszıan 11 qarasha kúngi kezekti baspasóz máslıhatynda AQSh-ty synǵa aldy. Bul týraly Kazinform Qytaıdyń SІM cilteme jasap habarlaıdy.

Lın Tszıannyń aıtýynsha, AQSh Fılıppın sııaqty elderdi Ońtústik Qytaı teńizinde qıyndyq týdyryp, Ońtústik Qytaı teńizindegi beıbit jaǵdaıdy buzý úshin arandatyp otyr.

«Amerıka Qurama Shtattarynyń zulym nıetteri álemge belgili», - dedi Lın Tszıan.

Sonymen qatar Lın Tszıan sondaı-aq AQSh úkimetin «ekijúzdilik» jáne «qos standart» dep aıyptady.

«Bir jaǵynan, AQSh basqa elderden Birikken Ulttar Uıymynyń teńiz quqyǵy týraly konventsııasyn saqtaýdy talap etedi, biraq sonymen birge ol bul konventsııaǵa qol qoıýdan árqashan bas tartty. Bul qos standart jáne óte ekijúzdilik áreket». - dedi Lın Tszıan.

Bloomberg tilshisi baspasóz máslıhatynda AQSh Kongresi Qytaıdyń turaqty qalypty saýda qatynastarynyń mártebesin joıa alatyn zań jobasyn ázirlep jatqanyn, buǵan Qytaıdyń kózqarasy qandaı ekenin surady.

Bul suraqqa Lın Tszıan bylaı jaýap berdi:

«Qytaı men AQSh arasynda Qytaıdyń DSU-ǵa kirýi týraly kelisimge sáıkes, 2001 jyly Qytaıǵa turaqty ári qalypty saýda qatynasy mártebesin beretinin jarııalaǵan. Keıbir AQSh saıasatkerleri tarıhty keri qaıtaryp, Qytaı-AQSh ekonomıkalyq jáne saýda qatynastaryn qyrǵı-qabaq soǵys kezeńine qaıtarýǵa tyrysýda»

Qytaı Syrtqy ister mınıstrliginiń ókili bul tásil Qytaı men AQSh-tyń ortaq múddelerine zııanyn tıgizedi, sondyqtan Qytaı AQSh taraby nan mundaı áreketterdi toqtaqanin úmittenedi dep málimdedi.