Qytaı Syrtqy ister mınıstrligi Tramp-Pýtın kelissózine pikir bildirdi

ASTANA.KAZINFORM - Qytaı árqashan daǵdarysty dıalog pen kelissóz arqyly sheshýdi jaqtap keledi. Bul týraly sársenbi kúni ótken brıfıngte Qytaı Syrtqy ister mınıstrliginiń resmı ókili Mao Nın Ýkraına daǵdarysyn sheshý boıynsha Donald Tramp pen Vladımır Pýtınniń telefon arqyly sóılesýine bergen pikirinde aıtty.

- Biz tıisti habarlamalarǵa nazar aýdardyq, - dedi Mao Nın.

- Qytaı tarapy basynan bastap daǵdarysty dıalog pen kelissóz arqyly sheshýdi jaqtady jáne atysty toqtatýǵa baǵyttalǵan barlyq kúsh-jiger beıbitshilikke qol jetkizý úshin qajetti qadamdar dep sanaıdy, - dep atap ótti QHR SІM resmı ókili.

Buǵan deıin prezıdentter Pýtın men Tramptyń telefon arqyly sóılesýiniń nátıjeleri Kreml saıty men Aq úıge silteme jasap habarlanǵan bolatyn.

Keıinirek álem kóshbasshylary Tramp pen Pýtın kelissózderiniń nátıjesine qatysty pikir bildirdi.