Qytaı Syrtqy ister mınıstri Reseı men Ýkraına arasyndaǵy kelissózderge qatysty pikir bildirdi
ASTANA. KAZINFORM – Qytaı Syrtqy ister mınıstri Van I Mıýnhen qaýipsizdik konferentsııasynyń ashylýynda sóz sóılep, Reseı men Ýkraına arasyndaǵy kelissózderge qatysty pikir bildirdi, dep habarlaıdy Kazinform BILD-ke silteme jasap.
- Qytaı úshin eýropalyqtar qarsylas emes, seriktes. Bul bizdiń kóppolıarly álemimizdegi óte mańyzdy polıýs, - dedi ol.
Sonymen qatar Van I Amerıka Qurama Shtattarynyń bıligine Qytaıdy tejeýge tyrysýdyń qajeti joqtyǵyn aıtty. QHR ókiliniń aıtýynsha, bul Beıjiń tarapynan sheshýshi áreketke barýǵa túrtki bolady.
Van I Reseı men Ýkraına arasyndaǵy bitimge kelý múmkindigi bar kelissózderge qatysty da pikir bildirdi.
- Beıjiń Ýkraına qaqtyǵysyn sheshýge qatysty barlyq amaldardy, sonyń ishinde sońǵy kúnderi AQSh-tyń Reseı Federatsııasymen túsinistikke qol jetkizgenin quptaıdy. Barlyq tarap Ýkraına boıynsha beıbit kelissózderge tıisti ýaqytta qatysýy kerek, - dedi dıplomat.
Ol Qytaıdyń reseılik gazdy alýdan bas tartýǵa daıyn emestigin, óıtkeni basqa elder Qytaıǵa qajetti kóp resýrsty jetkize almaıtynyn atap ótti.
Buǵan deıin Tramp Reseı men Qytaıǵa qorǵanys bıýdjetin eki ese qysqartýdy usynatynyn jazǵanbyz.