Qytaı ShUAR Partııa komıtetiniń negizgi basshysy aýysty

ASTANA. KAZINFORM – Chen Chıaotszıan Qytaı kommýnıstik partııasy Shynjań uıǵyr avtonomııalyq regıondyq komıtetiniń hatshysy bolyp taǵaıyndaldy.

- QKP OK sheshimimen, Ma Sınjýı basqa jumysqa aýysýyna baılanysty ShUAR partııa komıtetiniń múshesi, hatshysy qyzmetin qosa atqarmaıdy. Chen Sıaotszıan ShUAR partııa komıtetiniń múshesi, hatshysy bolyp taǵaıyndaldy, - delingen Sınhýa agenttigi taratqan aqparatta.

Ashyq derekkózden belgili bolǵandaı, Chen Sıaotszıan 1962 jyly týǵan. 1984 jyly Ýhan sý sharýashylyǵy jáne energetıka ınstıtýtynan oqý bitirip, uzaq jyldar boıy «Qytaı energetıkasy» gazetiniń redaktsııasynda jáne Sý sharýashylyǵy mınıstrliginiń apparatynda jumysta bolady.

2015 jyly QKP Ortalyq tártiptik tekseris komıssııasyna jumysqa aýysyp, úgit-nasıhat bóliminiń jetekshisi bolady. 2016 jyly Lıaonın provıntsııalyq partııa komıteti turaqty komıtetiniń múshesi bolyp taǵaıyndalyp, tártiptik tekseris komıssııanyń jumysyn basqarady.

2017 jyly QHR Baqylaý mınıstrliginiń vıtse-mınıstri, QKP Ortalyq tártiptik tekseris komıssııasy tóraǵasynyń orynbasary bolyp taǵaıyndalady. 2020 jyly jeltoqsannan keıin Memlekettik ult isteri komıtettiń tóraǵasy, QKP Ortalyq birikken maıdan bólimi basshysynyń orynbasary, birinshi orynbasary qyzmetterin atqarǵan.

Aıta keteıik, Qytaıda BQO kompanııalarynyń keńseleri ashylady.