Qytaı ShYU-men birge energetıka, ónerkásip jáne tsıfrlyq ekonomıka salasynda platformalar qurmaq

BEIJІŃ. KAZINFORM – Qytaı aldaǵy bes jylda ShYU elderine kún jáne jel elektr stantsııalarynyń qýatyn 10 mln kVt-qa arttyrýdy usynyp otyr. Bul týraly Qytaıdyń Tıantszın qalasynda ótip jatqan «ShYU+» formatyndaǵy kezdesý barysynda QHR tóraǵasy Sı Tszınpın málimdedi, dep habarlaıdy Kazinform tilshisi. 

– Qytaı energetıka, jasyl ónerkásip jáne tsıfrlyq ekonomıka salalarynda úsh iri yntymaqtastyq alańyn, sondaı-aq ǵylymı-tehnologııalyq ınnovatsııalar, joǵary jáne kásiptik bilim berý salalarynda úsh ortalyq qurady, - dep keltirdi Sınhýa agenttigi Sı Tszınpınniń sózin.

Sı Tszınpın atap ótkendeı, aldaǵy bes jylda Qytaı basqa eldermen 10 mln kVt-tan asatyn kún jáne jel energııasynyń jańa jobalary boıynsha yntymaqtasýǵa daıyn.

Onyń aıtýynsha, Qytaı jasandy ıntellekt salasyndaǵy Yntymaqtastyq ortalyǵyn qurýda barlyq taraptarmen yntymaqtasýǵa daıyn.

Budan bólek, Sı Tszınpın barlyq taraptardyń «Beıdoý» navıgatsııa júıesin keńinen paıdalanýyn quptap, elderdi Aıdy zertteý Halyqaralyq stantsııasyn qurýǵa qosylýǵa shaqyrdy.

Aıta keteıik, Tıantszındegi ShYU sammıtinde 20 qujatqa qol qoıyldy.