Qytaı sheteldik oblıgatsııa ınvestorlary úshin salyq jeńildikterin uzartty
ASTANA.KAZINFORM — Qytaı bıligi sheteldik ınstıtýtsıonaldyq oblıgatsııalardan túsetin paıyzdyq tabys boıynsha salyq jeńildigin eki jylǵa uzartty. Bul týraly eldiń Qarjy mınıstrligi men Bas salyq basqarmasynyń birlesken tsırkýlıarynda jarııalandy.
Salyq jeńildigi 2026 jyldyń 1 qańtarynan 2027 jyldyń 31 jeltoqsanyna deıin kúshinde bolady. Osy kezeńde rezıdent emes sheteldik uıymdardyń Qytaıdyń ishki qaryz naryǵyna ınvestıtsııa salýdan alǵan tabysy korporatıvtik tabys salyǵynan (KTS) jáne qosylǵan qun salyǵynan bosatylady.
Qujatta KTS jeńildigi Qytaıda sheteldik uıymdar qurǵan mekemeler nemese bólimsheler alǵan paıyzdyq tabysqa qoldanylmaıtyny atalyp ótti.
Bul shara Beıjińniń qaryz kapıtaly naryǵyn halyqaralyq deńgeıge kóterý jónindegi uzaq merzimdi strategııasynyń bóligi.
Yntalandyrý sharalaryn keńeıtý sheteldik qorlar úshin shyǵyndardy azaıtady jáne Qytaıdyń jahandyq portfeldik ınvestıtsııalar úshin tartymdy baǵyt retindegi ornyn nyǵaıtady.
Buǵan deıin JI aýa raıynyń Qytaıdaǵy qor naryqtaryna áserin boljaıtyny habarlanǵan.