Qytaı «Shenchjoý-23» ǵarysh kemesi qashan ushatynyn málimdedi
ASTANA. KAZINFORM — Qytaı «Shenchjoý-23» basqarylatyn ǵarysh mıssııasynyń ekıpaj quramyn tanystyrdy. Qytaı ǵaryshkerligi tarıhynda alǵash ret ushýǵa Sıangan arnaıy ákimshilik aýdanynyń (Gonkong) ókili qatysady, dep habarlaıdy Kazinform agenttiginiń Beıjińdegi menshikti tilshisi.
Qytaıdyń basqarylatyn ǵarysh baǵdarlamasy basqarmasynyń (CMSA) málimetinshe, mıssııaǵa úsh ǵaryshker qatysady. Ekıpaj quramyna komandır jáne bortınjener Chjý ıAnchjý (1986 jyly týǵan), ushqysh Chjan Chjııýan (1986 jyly týǵan) jáne paıdaly júkteme jónindegi maman Lı Tszııan (1982 jyly týǵan) kirdi.
Lı Tszııan Qytaıdyń basqarylatyn ǵarysh baǵdarlamasyna qatysqan alǵashqy gonkongtyq ǵaryshker ári alǵashqy áıel atanady. Ǵaryshkerler qataryna iriktelgenge deıin ol Sıangan arnaıy ákimshilik aýdanynyń polıtsııasynda qyzmet etken.
CMSA ókilderiniń aıtýynsha, mıssııa aıasynda ǵaryshkerlerdiń biri orbıtada bir jyl bolý tájirıbesin júrgizedi.
«Shenchjoý-23» ǵarysh kemesin ushyrý 24 mamyr kúni Beıjiń ýaqyty boıynsha saǵat 23:08-de Tszıýtsıýan ǵarysh aılaǵynan josparlanǵan. Apparatty orbıtaǵa «Chanchjen-2F Y23» zymyran tasyǵyshy shyǵarady.
Bul ushý Qytaıdyń basqarylatyn ǵarysh baǵdarlamasy aıasyndaǵy 40-mıssııa jáne ulttyq orbıtalyq stantsııany turaqty paıdalaný kezeńindegi jetinshi ekspedıtsııa bolady.
Buǵan deıin Qytaıdyń alǵash ret ǵaryshqa jasandy adam embrıonyn jibergeni habarlanǵan edi.
Eske sala keteıik, Qytaı alǵash ret ǵaryshqa adamnyń jasandy embrıonyn jiberdi.
