Qytaı Shenchjenge qosymsha polıtseıler jiberip, qaýipsizdikti kúrt kúsheıtip jatyr
ASTANA. KAZINFORM – Qytaıdyń Gýandýn provıntsııasynan qosymsha polıtsııa bólimsheleri ATES sammıti qarsańynda Shenchjen qalasyna jiberildi. Qalada patrýldeý kúsheıtilip, qaýipti jáne jarylǵysh zattardy tasymaldaý men saqtaý baqylaýǵa alyndy. Bul týraly TASS agenttigi habarlady.
Shenchjen qalalyq qoǵamdyq qaýipsizdik basqarmasynyń habarlamasyna sáıkes, Gýandýn provıntsııasynyń barlyq quqyq qorǵaý organdaryna qaýipsizdik sharalaryn kúsheıtip, polıtsııa qyzmetkerleriniń sanyn arttyrý tapsyrylǵan.
– Polıtsııanyń qosymsha kúshteri Shenchjen qalasyna jiberildi. Tıimdi jumys júrgizý úshin provıntsııanyń barlyq aýmaǵyndaǵy polıtsııa bólimsheleri jumyldyryldy, – delingen habarlamada.
Sammıt qarsańynda qala kóshelerindegi patrýldeý kúsheıtilip, quqyqbuzýshylyqtardyń jolyn kesý sharalary júrgizilip jatyr. Sonymen qatar qaýipti jáne jarylǵysh zattardy tasymaldaý men saqtaýǵa qoıylatyn talaptar qatańdatyldy.
Sammıt ótetin kúnderi Shenchjende drondar men basqa da tómen bıiktikte ushatyn apparattardy paıdalanýǵa tyıym salyndy.
Qarasha aıynyń basynda qala bıligi jol qozǵalysy qaýipsizdigine qatysy joq jaǵdaılarda kólik sıgnalyn negizsiz qoldanýǵa da tyıym engizgen.
ATES kóshbasshylarynyń 33-shi beıresmı kezdesýi 18-19 qarashada Qytaıdyń ońtústigindegi Gýandýn provıntsııasynyń Shenchjen qalasynda ótedi.
Aıta keteıik, buǵan deıin osy sammıt barysynda Vladımır Pýtın, Sı Tszınpın jáne Donald Tramptyń úshjaqty kezdesýin ótkizý týraly kelisimge qol jetkizilgen edi.
Budan bólek Aq úı de Qytaıda Tramp, Pýtın jáne Sı Tszınpın kezdesetinin rastady.