Qytaı pedıatrlary dıagnoz qoıý men emdeý protsesinde jasandy ıntellektini paıdalanady
ASTANA. KAZINFORM - Beıjińdegi Ulttyq balalar medıtsınalyq ortalyǵy men Balalar aýrýhanasynyń konsýltatsııalyq ortalyǵynda jasandy ıntellekt pedıatry jumys isteıdi. Bul týraly «Halyq Gazeti» basylymy habarlady.
Ol 13 pedıatrııalyq sarapshymen birge kúrdeli jaǵdaılar boıynsha kópsalaly konsýltatsııa jasaǵan.
Basylymnyń málimetinshe, bul qytaıdaǵy jasandy ıntellektiniń alǵashqy pedıatry. Ol kúrdeli jáne sırek kezdesetin aýrýlardy dıagnostıkalaýǵa jáne emdeýge kómektesedi dep kútilip otyr.
- Biz 8 jasar balanyń densaýlyq jaǵdaıyn tekserdik. Ol úsh apta boıy denesi tartylyp, dirildegen. Eki apta buryn onyń bas súıeginiń túbinen isik baıqaldy. Onyń sebebi kúrdeli bolǵandyqtan, ártúrli aýrýhana ártúrli dıagnoz ben emdeý amaldaryn usynǵan. Bul konsýltatsııada jasandy ıntellekt pedıatry jáne ártúrli bólimshelerdiń 13 tanymal sarapshysy óte dáıekti usynystar berdi,- deıdi Qytaı Ulttyq Balalar medıtsınalyq ortalyǵynyń dırektory Nı Sın.
Onyń aıtýynsha, bul jasandy ıntellekt pedıatry Beıjiń Balalar aýrýhanasy ázirlep jatqan jasandy ıntellekt úlgisindegi balalar densaýlyǵyna arnalǵan aýqymdy ónimderdiń biri. Ol Beıjiń balalar aýrýhanasynyń 300-den astam tanymal pedıatrııalyq sarapshylarynyń klınıkalyq tájirıbesin jáne sarapshylardyń ondaǵan jyldar boıy joǵary sapaly medıtsınalyq jazbalaryn biriktiredi.
Osyǵan deıin Qytaıdyń asteroıdqa qarsy qorǵanys júıesin qurǵaly jatqanyn jazdyq.