Qytaı Parsy shyǵanaǵy elderin erkin saýda týraly kelisimge qol qoıýdy jedeldetýge shaqyrdy
ASTANA. KAZINFORM — Beıjiń protektsıonızmniń kúsheıýi aıasynda Parsy shyǵanaǵyndaǵy dıplomatııalyq kúsh-jigerdi jandardyryp, ekonomıkalyq ıntegratsııa men kópjaqty tásilge basa nazar aýdaryp otyr, dep habarlaıdy Kazinform menshikti tilshisi.
Qytaı syrtqy ister mınıstri Van I Parsy shyǵanaǵyndaǵy arab memleketeri yntymaqtastyq keńesi elderin Qytaımen 20 jyldan astam ýaqyt boıy júrgizilip kele jatqan erkin saýda týraly kelisim boıynsha kelissózdi aıaqtaýǵa shaqyrdy.
Ol bul málimdemeni dúısenbi kúni Er-Rııadta keńestiń Bas hatshysy Djasem Mohammed ál-Býdaıvımen kezdesýi kezinde jasady.
Qytaı SІM basshysynyń aıtýynsha, kelisim jasasýdyń sharttary «negizinen pisip-jetildi» jáne túpkilikti sheshim qabyldaý ýaqyty keldi. Van I erkin saýda týraly kelisimge qol qoıý álemdik saýdada protektsıonızm men birjaqtylyqtyń artýy aıasynda kópjaqtylyqty qorǵaý úshin «álemge kúshti belgi» bolatynyn atap ótti.
Chinese FM Wang Yi met with Jasem Mohamed Albudaiwi, Secretary General of the Gulf Cooperation Council, in Riyadh.#China stands ready to strengthen strategic communication with the #GCC, safeguard common interests, and jointly respond to a turbulent and changing international… pic.twitter.com/hdmFY9FpYR
— Lin Jian 林剑 (@SpoxCHN_LinJian) December 15, 2025
Qytaı SІM atap ótkendeı, Beıjiń Parsy shyǵanaǵy memleketterimen saýda, ınvestıtsııa, energetıka salalarynda jáne basqa da baǵyttarda yntymaqtastyqty tereńdetýge múddeli, sondaı-aq Parsy shyǵanaǵy yntymaqtastyq keńesiniń strategııalyq avtonomııa men aımaqtyq ıntegratsııany nyǵaıtýǵa degen umtylysyn qoldaıdy.
Sapar barysynda Van I Saýd Arabııasynyń syrtqy ister mınıstri hanzada Feısal bın Farhan ál-Saýdpen kelissóz júrgizdi. Taraptar aımaqtyq jáne halyqaralyq máseleler boıynsha úılestirýdi kúsheıtýge kelisip, Er-Rııadtyń Taıaý Shyǵystaǵy qaýipsizdik pen dıplomatııalyq protsesterdi qamtamasyz etýdegi rólin atap ótti.
Birlesken málimdemelerde Palestına máselesin jan-jaqty jáne ádil sheshýge qol jetkizýge baǵyttalǵan kúsh-jigerdi qoldaý, sondaı-aq Saýd Arabııasy men Iran arasyndaǵy qarym-qatynasty qalypqa keltirý basa aıtyldy.
Van I sondaı-aq Saýd Arabııasynyń taq murageri Muhammed ben Salmanmen kezdesip, Qytaıdyń koroldikdiń «senimdi seriktesi» bolýǵa jáne aımaqtaǵy turaqtylyq pen qaýipsizdikti nyǵaıtýǵa úles qosýǵa daıyn ekenin málimdedi.
Sapar qorytyndysy boıynsha eki tarap dıplomatııalyq jáne arnaıy tólqujat ıeleri úshin vızalardy ózara alyp tastaý týraly kelisti.
Qytaılyq dıplomattyń Taıaý Shyǵysqa sapary Birikken Arab Ámirlikterinde bastaldy jáne seısenbide Iordanııada aıaqtalady dep kútilip otyr.
