Qytaı Parlamentiniń basshysy «Dostyq» ordenimen marapattaldy
ASTANA. KAZINFORM — Qytaı Halyq Respýblıkasy Búkilqytaılyq halyq ókilderi jınalysy Turaqty komıtetiniń tóraǵasy Chjao Letszı Astanaǵa resmı saparynda І dárejeli «Dostyq» ordenimen marapattaldy. Bul týraly Syrtqy ister mınıstrliginiń resmı ókili Erlan Jetibaev málimdedi.
25 mamyrda Parlament Májilisiniń tóraǵasy Erlan Qoshanovtyń shaqyrýymen Chjao Letszı Astanaǵa resmı saparmen kelgen edi.
— Mártebeli meımandy Memleket basshysy qabyldap, qazaq-qytaı jan-jaqty strategııalyq seriktestigin nyǵaıtýǵa, sondaı-aq Qazaqstan men Qytaı arasyndaǵy tatý kórshilik pen ózara qurmet rýhyn ilgeriletýge qosqan jeke úlesi úshin ony І dárejeli «Dostyq» ordenimen marapattady, — dedi Erlan Jetibaev Astanada ótken aptalyq brıfıngte.
Sapar aıasynda QHR Búkilqytaılyq halyq ókilderi jınalysy Turaqty komıtetiniń tóraǵasy Qazaqstan Parlamentiniń eki palatasynyń spıkerlerimen kelissózder ótkizdi.
Kezdesýde taraptar elimizde júzege asyrylyp jatqan qurylymdyq saıası reformalar aıasynda parlamentaralyq dıalogty odan ári tereńdetý jáne damytý máselelerin jan-jaqty talqylaǵan.
Buǵan deıin Májilis tóraǵasy Erlan Qoshanov pen Qazaqstanǵa resmı saparmen kelgen Chjao Letszı kezdesýi týraly habarlaǵan edik.
