Qytaı pandalaryn Japonııadan qaıtaryp alady
ASTANA. KAZINFORM – Japonııanyń batysyndaǵy haıýanattar baǵynan nesıege alynǵan 4 alyp pandanyń barlyǵy Qytaıǵa maýsym aıynyń sońynda, merziminen buryn oralady, dep habarlaıdy Kazinform tilshisi The Mainichi basylymyna silteme jasap.
– 24 jastaǵy Raýhın jáne onyń balalary – segiz jasar ıÝhın, alty jasar Saıhın jáne tórt jasar Fýhın Shırahama qalasyndaǵy (Vakaıama prefektýrasy) Adventure World oıyn-saýyq saıabaǵynan shyǵyp, ózderiniń jańa úıine – alyp pandalardy ósirý jónindegi ǵylymı ortalyqqa barady, - dep jazdy japon basylymy.
Eske salaıyq, Vakaıama saıabaǵy men Qytaıdyń ǵylymı ortalyǵy arasyndaǵy pandalardy ósirý boıynsha seriktestik baǵdarlamasy 1994 jyly bastaldy. Dál osy ýaqytta Japonııaǵa Eımeı atalyǵy ákelindi.
2023 jyly Eımeı Qytaıǵa qaıtaryldy jáne 2025 jyldyń basynda kóz jumdy.
The Mainichi basylymynyń jazýynsha, osy tórt panda ketkennen keıin Japonııada eki alyp panda ǵana qalady. Eki panda da Tokıodaǵy Ýeno haıýanattar baǵynda turady. Alǵashqy pandalar 1972 jyly Qytaıdan eki el arasyndaǵy dıplomatııalyq qarym-qatynastyń ornaǵanyn toılaý úshin kelgen.