Qytaı Pákistannyń jer serigin ǵaryshqa ushyrdy

ASTANA. KAZINFORM – Qytaı Pákistannyń «PRSC-EO3» jer serigin sátti túrde ǵaryshqa ushyrdy, dep habarlaıdy Sınhýa.

Ushyrý Shansı provıntsııasyndaǵy Taııýan ǵarysh aılaǵynan júzege asyryldy. Spýtnık Beıjiń ýaqytymen 20:15-te «Chanchjen-6» zymyran tasyǵyshynyń kómegimen orbıtaǵa shyǵarylǵan.

– Jer serigi belgilengen orbıtaǵa sátti jetkizildi, – delingen habarlamada.

Bul «Chanchjen» serııasyndaǵy zymyrandardyń 640-shy ushý mıssııasy boldy.

Aıta keteıik, buǵan deıin Qytaı bıyl aýqymdy ǵaryshtyq baǵdarlamany júzege asyratyny habarlandy.