Qytaı óz jelisin 5G-A standartyna deıin jańartýdy kózdep otyr
BEIJІŃ. KAZINFORM – Qytaı bıligi 5G jelisin 5G-A standartyna deıin jańartýdy josparlap otyr. 5G-A jelisi qyzmetteri Beıjiń men Shanhaıda usynyla bastady. Bul týraly Xinhua aqparat agenttigi jazdy.
Memlekettik derekter basqarmasy jarııalaǵan derekter ınfraqurylymyn qurý jónindegi dırektıvanyń jobasy QHR 5G jelisin 5G-A standartyna deıin jańartýdy jáne 6G-ge qatysty zertteýlerdi, ázirlemeler men ınnovatsııalardy jan-jaqty yntalandyrýdy kózdep otyr.
5G-A jelisi jyldamdyǵy, kidirisi, qosylym aýqymy jáne qýat tutynýy jaǵynan qazirgi 5G jelisinen asyp túsedi, onyń derekterdi berýdiń maksımaldy jyldamdyǵy júkteý úshin 10 Gbıt/s, júktep salý úshin 1 Gbıt/s jetedi, ýaqyt kidirisi mıllısekýndtardy quraıdy, al ınternetke qosylýy eń az shyǵynmen oryndalady.
Sonymen qatar, Qytaı halyqaralyq sý asty jáne jerústi kabeldik aqparat arnalaryn keńeıtýdi, sondaı-aq ǵaryshtyq jáne jerústi baılanys quraldaryn biriktiretin spýtnıktik ınternet qurýdy josparlap otyr.
Buǵan deıin Qytaıdyń Nankın, Ýhan, Tsındao, Shenchjen, Sýchjoý, Shanhaı, Nınbo, Gýanchjoý, Shenıan jáne Chendý qalalarynda «5G+ óndiristik ınternet» tehnologııalaryn engizý boıynsha pılottyq baǵdarlamany iske qosqany belgili boldy. Bul qalalar 5G negizinde ónerkásiptik klasterler men ınnovatsııalyq ekojúıelerdi damytýǵa nazar aýdarady.
Eske salsaq, Qytaıda 5G jelisin paıdalanýshylar sany 1 mlrd-tan asqanyn jazǵan bolatynbyz.