Qytaı Ortalyq Azııanyń 5 eline 1,5 mlrd ıýan qaıtarymsyz kómek usynbaq

ASTANA. KAZINFORM – Qytaı Halyq Respýblıkasynyń tóraǵasy Sı Tszınpın Ortalyq Azııa elderin «Bir beldeý – bir jol» jobasyn ári qaraı da ilgerilete túsýge úndedi.

- Biz bıyl Ortalyq Azııa elderine halyqtyń ál -aýqatyn arttyryp, birlesip damýǵa múmkindik beretin jobalardy qoldaý úshin 1,5 mlrd ıýan mólsherinde qaıtarymsyz kómek kórsetýge daıynbyz, - dedi Qytaı basshysy Astanadaǵy sammıtte.

QHR tóraǵasy Ortalyq Azııa elderin «Bir beldeý – bir jol» jobasyn ári qaraı da ilgerilete túsýge úndedi.

- Qytaı árdaıym Ortalyq Azııa memleketteriniń senimdi jáne izgi kórshisi bolyp qala beredi. Biz Ortalyq Azııa elderimen teń dárejede, shynaıy ári dostyq nıetpen qarym-qatynas ornatyp kelemiz jáne bul dostyq árdaıym gúldene beredi.

Búgin biz máńgilik dostyq pen yntymaqtastyq týraly kelisimge qol qoıamyz. Bul kelisim bizdiń qarym-qatynasymyzdy quqyqtyq turǵydan bekitedi. Bul – alty el arasyndaǵy qarym-qatynas tarıhyndaǵy jańa beles jáne Qytaıdyń kórshiles eldermen júrgizip otyrǵan syrtqy saıasatynyń iri jetistigi. Munyń ıgiligin qazirgiler de, keleshek urpaq ta kóretini anyq, - dedi Sı Tszınpın.

Aıta keteıik, elordada «Ortalyq Azııa – Qytaı» ІІ sammıti ótip jatyr.

Іs-sharaǵa Memleket basshysy Qasym-Jomart Toqaev, QHR tóraǵasy Sı Tszınpın, Ózbekstan Prezıdenti Shavkat Mırzıeev, Qyrǵyzstan Prezıdenti Sadyr Japarov, Túrikmenstan Prezıdenti Serdar Berdimuhamedov jáne Tájikstan Prezıdenti Emomalı Rahmon qatysyp otyr.

«Ortalyq Azııa - Qytaı» І sammıti 2023 jyldyń 19 mamyrynda Qytaıdyń Sıan qalasynda ótken edi.