Qytaı nóser jaýyn saldarynan eskertýdiń «sary» belgisin jarııalady

ASTANA. KAZINFORM – Qytaıdyń meteoqyzmeti eldiń keıbir aýdandaryndaǵy nóser jaýyn saldarynan dabyldyń «sary» belgisin jarııalady, dep habarlaıdy Sınhýa.

Aýa raıy boljamyna sáıkes, 10-11 shilde aralyǵynda ótkinshi jáne nóser jaýyn Fýtszıan, Gýandýn, Haınan, ıÝnnan, Gýıchjoý, Sychýan, Hýbeı, Shensı, Hebeı provıntsııalarynda, Taıvan aralynda, Іshki Mońǵolııa avtonomdy aýdanynda jáne Gýansı-Chjýan avtonomdy aýdanynda, sondaı-aq Chýntsın men Beıjińde jaýady.

Gýandýn jáne Fýtszıan provıntsııalarynyń jekelegen aýdandarynda 300 mm-ge deıingi mólsherde óte kóp mólsherde ylǵal túsýy yqtımal. Atalǵan óńirlerdiń birqatarynda ótkinshi jaýyndar jaýyp, olardyń mólsheri 800 mm-ge deıin jetip, jaýynmen qosa kúshti jel turady, naızaǵaı oınaıdy.

Meteorologtar jergilikti bılik ókilderin qalalar men aýyl sharýashylyǵy alqaptarynda sýdyń tıimdi jaıylýyn qamtamasyz etip, qaýiptiń aldyn alý sharalaryn qoldanýǵa shaqyryp otyr.

Aıta keteıik, Qytaıda aýa raıyna baılanysty eskertýdiń 4 deńgeıi bar. Eń joǵarǵy deńgeı qyzyl túspen belgilenedi, odan keıin qyzǵylt, sary jáne kók deńgeıler.

Osyǵan deıin Qytaıda ǵaryshty zertteý jónindegi halyqaralyq qaýymdastyq jumys isteı bastaǵany týraly jazdyq.