Qytaı-Nepal shekarasynda joǵalǵan qazaqstandyqtar áli tabylmady — QR SІM
ASTANA. KAZINFORM — Syrtqy ister mınıstrliginiń resmı ókili Janbolat Úsenov Qytaı-Nepal shekarasyndaǵy tabıǵı apatta habarsyz ketken otandastar týraly tilshiler suraǵyna jaýap berdi.
— Qytaıdyń Nepal shekarasynda bolǵan apat aýmaǵynda bizdiń úsh azamatshamyz habar osharsyz ketken bolatyn. Qazirgi tańda olarǵa qatysty esh jańalyq joq. Bizdiń dıplomattarymyz jergilikti bılik organdarymen jumysty jalǵastyryp jatyr. Іzdestirý jumystary da jalǵasyp jatyr. Olardyń otbasylarymen baılanys ornattyq, — dedi J. Úsenov Astanada ótken aptalyq brıfıngte.
Resmı ókil azamattarǵa qatysty jeke derekter jarııa etilmeıtinin atap ótti.
Aıta keteıik, 26 tamyzda Qytaı men Nepal shekarasyndaǵy Gımalaı taýlarynda bolǵan joıqyn tabıǵı apat eki el aýmaǵyn qamtyp, júzdegen adamnyń ómirin qıdy. Nepaldyń soltústigindegi eldi mekender men Qytaıdyń Tıbet avtonomııalyq aýdanyndaǵy Jılýn shekaralyq ótkizý beketi tasqyn men laı kóshkininen qatty zardap shekti.
29 tamyzda Qytaı-Nepal shekarasynda Qazaqstannyń úshinshi azamatyna izdeý salyndy.
Eldi qalpyna keltirýge 4,78 mlrd dollar qajet.
