Qytaı-Nepal shekarasynda eki qazaqstandyq týrıst izdestirilip jatyr
ASTANA. KAZINFORM — Tabıǵı apat bolǵan Nepal men Qytaı shekarasy aımaǵynda Qazaqstannyń eki azamatshasyn izdestirilip jatyr. Bul týraly Syrtqy ister mınıstrliginiń resmı ókili habarlady.
Buǵan deıin habarlanǵandaı, olardyń biri týrıstik top quramynda eki el arasyndaǵy shekaradan ótken.
— QR Syrtqy ister mınıstrligi jergilikti memlekettik organdarmen aradaǵy jumysty jalǵastyrýda, otandastarymyzdyń týystarymen turaqty baılanys ornatylǵan, — dedi Syrtqy ister mınıstrliginiń resmı ókili Janbolat Úsenov.
Áleýmettik jelide joǵalǵan qazaqstandyq týrısterdiń aty-jóni jarııalandy. Olar – 1982 jyly týǵan Anna Şerba jáne Irına Blonskaıa.
Buǵan deıin Nepal shekarasynan Qytaıǵa ótken jalǵyz qazaqstandyq týrıst izdestirilgen edi.
Sý tasqyny qurbandarynyń sany 359-ǵa jetti, 1400 adam iz-túzsiz joǵalǵan.
