Qytaı múmkindigi shekteýli jandardy ońaltýǵa kómektesetin jańa tehnologııa shyǵarmaq
ASTANA. KAZINFORM – Qytaı múmkindigi shekteýli jandarǵa arnalǵan ulttyq ońaltý baǵdarlamasynda ınvazıvti emes mı-kompıýter ınterfeısi tehnologııalaryn qoldanýdy keńeıtýdi josparlap otyr. Bul bastama 15-shi besjyldyq jospardyń (2026–2030) negizgi baǵyttarynyń biri bolmaq, dep habarlaıdy Kazinform agenttiginiń Beıjińdegi tilshisi.
Bul týraly Búkilqytaılyq múgedekter federatsııasynyń atqarýshy keńesiniń tóraǵasy Chjoý Chankýı baspasóz máslıhatynda málimdedi. Ol sarapshylar qaýymdastyǵy medıtsına men ońaltýdy neırotehnologııany qoldanýdyń negizgi baǵyty retinde biraýyzdan moıyndaıtynyn atap ótti.
– Ǵylymı-tehnıkalyq progrestiń bul jańa kezeńi múgedekterge fızıkalyq shekteýlerdi jeńýge múmkindik beredi. Biz kórý, estý jáne qozǵalys belsendiligin qalpyna keltirýge kómektesetin tehnologııalyq sheshimderge úmit artamyz, - dep atap ótti ol.
Bıyl Búkilqytaılyq múgedekter federatsııasy alǵash ret ınnovatsııalyq ázirlemelerdi qoldaný stsenarııleriniń kartasyn usyndy. Oǵan kedergisiz taksı qyzmetteri, zaǵıptarǵa arnalǵan aqyldy navıgatsııa jáne ınvazıvti emes neırondyq ınterfeısterge negizdelgen aqyldy ońaltý jabdyqtary kirdi.
Aldaǵy bes jylda Beıjiń bul tehnologııalardy jappaı naryqqa shyǵarýdy kózdep otyr. Bılik ońaltý qurylǵylaryn memlekettik sýbsıdııalaý baǵdarlamalaryna engizýdi josparlap otyr. Bul paıdalanýshylar úshin olardyń sońǵy qunyn aıtarlyqtaı tómendetedi.
Aıta keteıik, Qytaıda sýdaǵy qutqarý jumystaryna arnalǵan órmekshi robot jasaldy.
