Qytaı mıdan sıgnal jınaıtyn álemdegi alǵashqy ınvazıvti ónimdi saýdaǵa shyǵarady
ASTANA. KAZINFORM – Qytaı mı–kompıýter ınterfeısi (MKI) salasyndaǵy alǵashqy ınvazıvti ónimdi kommertsııalyq qoldanýdy resmı túrde maquldady. Ázirleýshi kompanııanyń málimetinshe, bul — álemde klınıkalyq qoldaný kezeńine ótken alǵashqy ınvazıvti medıtsınalyq MKI qurylǵysy, dep habarlaıdy Sınhýa agenttigi.
«NEO» dep atalatyn medıtsınalyq ónim 18 ben 60 jas aralyǵyndaǵy, moıyn omyrtqasynyń zaqymdanýy saldarynan kvadrıplegııaǵa ushyraǵan jáne saýsaqpen ustaý qabiletin joǵaltqan naýqastarǵa arnalǵan.
Tıyn kólemindeı ınvazıvti qurylǵy mıǵa ımplantatsııalanyp, mı sıgnaldaryn naqty ýaqyt rejıminde jınap, olardy dekodtaýǵa múmkindik beredi. Sonyń arqasynda naýqas oı arqyly pnevmatıkalyq qolǵapty basqara alady.
Qurylǵy epıdýraldy ádispen engiziledi. Bul tásil sıgnal sapasyn joǵary deńgeıde saqtaı otyryp, mı tinderine zaqym keltirý qaýpin azaıtady. Sonymen qatar qurylǵy symsyz qýattandyrý jáne baılanys júıesimen jabdyqtalǵan, bul ony bir ret ornatyp, uzaq ýaqyt paıdalanýǵa múmkindik beredi. Operatsııadan keıin shamamen bir aı ishinde patsıentter júıeni úı jaǵdaıynda óz betinshe basqara alady.
Aıta keteıik, Qytaı halqynyń 95%-y bazalyq medıtsınalyq saqtandyrýmen qamtylǵan.
Al Qytaı sal aýrýy kezinde qol qozǵalysyn qalpyna keltirýge arnalǵan mı ımplantyn maquldady.
