Qytaı Meta-nyń Manus JI-startapyn satyp alý týraly kelisimin buǵattady
ASTANA. KAZINFORM – Qytaı bıligi amerıkalyq Meta korporatsııasynyń qytaılyq Manus tehnologııalyq kompanııasyn satyp alýyna tyıym saldy, dep habarlaıdy Xinhua.
Kelisimdi buzý týraly uıǵarymdy dúısenbi kúni QHR Ulttyq damý jáne reforma isteri jónindegi komıssııa jarııalady. Sheshimdi sheteldik ınvestıtsııalardyń qaýipsizdigin tekserý jónindegi jumys organy qabyldady.
Vedomstvo qoldanystaǵy zańnama men normatıvtik aktilerge súıene jobaǵa tyıym salyp, qatysýshy taraptarǵa satyp alýdy resmı túrde kúshin joıýdy buıyrdy.
Eske sala ketsek, ótken jyldyń jeltoqsan aıynda Meta korporatsııasy Manus kompanııasyn 2 mlrd dollarǵa satyp alǵanyn jarııalady. Startap avtonomdy, kóp maqsatty JI-agentterin ázirleýge mamandanǵan.
Osyǵan deıin Meta qyzmetkerlerin pernetaqta men tyshqan arqyly baqylaıtynyn habarladyq.
