Qytaı men Tájikstan Aýǵanstanda ınklıýzıvti úkimet qurýdy qoldady

ASTANA. KAZINFORM – Juma kúni Qytaı men Tájikstan birlesken málimdemesinde Aýǵanstanda barlyq etnıkalyq, dinı jáne saıası toptardyń ókilderiniń qatysýymen ınklıýzıvti úkimet qurýdy qoldady, dep habarlady Sınhýa agenttigi.

Birlesken qujat mátininde aıtylǵandaı, taraptar terrorızmnen, soǵystan jáne esirtkiden taza, barlyq kórshilerimen beıbitshilik pen kelisimde ómir súretin táýelsiz, beıtarap, birtutas, ınklıýzıvti jáne beıbit Aýǵanstannyń aýǵan halqynyń jáne barlyq eldiń ortaq múddesine jaýap beretinin taǵy da atap ótti.

Birlesken málimdeme QHR tóraǵasy Sı Tszınpınniń Tájikstanǵa memlekettik sapary barysynda jarııalanǵany atap ótildi.