Qytaı men Soltústik Koreıa arasyndaǵy jańa kópir 15 qazanda ashylady
ASTANA. KAZINFORM — Bul týraly sársenbi kúni Qytaı Syrtqy ister mınıstrliginiń resmı ókili Mao Nın kezekti baspasóz máslıhatynda málimdedi, dep habarlaıdy Kazinform agenttiginiń Beıjińdegi menshikti tilshisi.
Qytaı Syrtqy ister mınıstrligi resmı ókiliniń aıtýynsha, Qytaı men Soltústik Koreıanyń kelisimi boıynsha 15 qazanda ıAlýtszıan ózeni arqyly ótetin jańa kópir resmı túrde ashylady. Osy kúni eki tarap birlesip, kópirdiń ashylý rásimin ótkizedi.
– Qytaı men KHDR – ortaq taýlary men ózenderi jalǵastyrǵan tatý kórshi memleketter. ıAlýtszıan ózeni arqyly ótetin jańa kópir eki el arasyndaǵy kólik qatynasyn nyǵaıtyp, ózara baılanysty damytýǵa múmkindik beretin mańyzdy ınfraqurylym nysany bolmaq, – dedi Qytaı dıplomaty.
Onyń sózinshe, kópirdiń ashylýy saýda-ekonomıkalyq yntymaqtastyqty damytýǵa, eki el azamattarynyń saparlaryn jeńildetýge jáne halyqtyń ál-aýqatyn arttyrýǵa yqpal etedi.
Buǵan deıin Air China araǵa alty jyl salyp Beıjiń-Phenıan reısin qaıta bastaǵanyn habarlaǵan bolatynbyz.
