Qytaı men Ortalyq Azııa arasyndaǵy saýdanyń ortasha jyldyq ósimi 10% jetti

ASTANA. KAZINFORM – 2024 jyly QHR-dyń «Bir beldeý, bir jol» bastamasyna qatysýshy eldermen saýda kólemi 22 trln ıýan-di (3 trn dollar) qurady. Bul týraly dúısenbi kúni Beıjińde ótken brıfıng barysynda QHR Bas keden basqarmasynyń jetekshisi Sýn Meıtszıýn málim etti. dep habarlaıdy Kazinform menshikti tilshisi.

Onyń málimetinshe, 2024 jyly eldiń jalpy taýar aınalymy 43,8 trln ıýanǵa jetip, Qytaı álemde qatarynan segiz jyl boıy birinshi oryn alyp keldi.

Bıyl qańtar-shilde aılarynda Qytaıdyń ımport-eksport kólemi ótken jyldyń sáıkes kezeńimen salystyrǵanda 3,5%-ǵa ósti. Eksport 7,3%-ǵa artty. Bul eldiń syrtqy saýdasynyń turaqtylyǵy men ómirsheńdigin kórsetedi.

— 2024 jyly «Bir beldeý, bir jol» bastamasyna qatysýshy seriktes eldermen saýda kólemi 22 trln ıýanǵa jetip, jalpy aınalymnyń jartysynan astamyn qurady. Sonymen qatar ASEAN, Latyn Amerıkasy, Afrıka jáne Ortalyq Azııa syndy damýshy naryqtarmen saýda aınalymynyń jyldyq ósimi 10%-dan asty, — dedi Qytaıdyń Bas keden basqarmasynyń basshysy.

Sonymen birge ol «14-besjyldyq» (2021–2025 jj.) aıasynda 81 el men óńirden 271 túrli aýyl sharýashylyǵy jáne azyq-túlik óniminiń Qytaıǵa ımporttalýyna ruqsat berilgenin atap ótti.

Osyǵan deıin Qytaı men ShYU elderiniń saýda aınalymy 7 aıda 1.8 paıyzǵa óskeni týraly jazdyq.

e/