Qytaı men Naýrý dıplomatııalyq qarym-qatynasyn qalpyna keltirdi

QYTAI. KAZINFORM - Qytaı men Naýrý dıplomatııalyq qarym-qatynasyn qalpyna keltirdi. Sársenbi kúni Dıaoıýıtaı memlekettik rezıdentsııasynda tıisti qujattarǵa qol qoıý rásimi ótti. 

Sársenbi kúni Qytaıdyń Syrtqy ister mınıstri Van I men Naýrý Syrtqy ister mınıstri Laıonel Aıngımea Beıjińde kelissózder júrgizip, artynsha taraptar «Qytaı Halyq Respýblıkasy men Naýrý Respýblıkasy arasyndaǵy dıplomatııalyq qatynastardy qalpyna keltirý týraly birlesken kommıýnıkege» qol qoıdy.

- Naýrý Respýblıkasynyń Úkimeti álemde bir ǵana qytaı bar ekenin, Qytaı Halyq Respýblıkasynyń úkimeti búkil Qytaıdyń jalǵyz zańdy úkimeti, al Taıvan Qytaı terrıtorııasynyń ajyramas bóligi ekenin moıyndaıdy. Naýrý Respýblıkasynyń úkimeti búginnen bastap Taıvanmen dıplomatııalyq qatynasyn úzip, aldaǵy ýaqytta eshqandaı resmı qarym-qatynasty damytpaýǵa mindettenedi. Qytaı Halyq Respýblıkasynyń Úkimeti Naýrý Respýblıkasy Úkimetiniń bul ustanymyn joǵary baǵalaıdy, - delingen qujatta.

24 qańtardan bastap eki el elshilik deńgeıindegi dıplomatııalyq qarym-qatynastaryn qalpyna keltirdi.