Qytaı men Argentına arasynda alǵashqy tikeleı áýe reısi ashyldy

ASTANA. KAZINFORM — Qytaı men Argentına arasyndaǵy alǵashqy tikeleı áýe baǵyty resmı túrde ashyldy, dep habarlaıdy Sınhýa.

Beısenbi kúni tústen keıin China Eastern Airlines áýe kompanııasynyń MU745 reısi Býenos-Aırestegi Eseısa halyqaralyq áýejaıyna kelip qondy. 

Ushaq Shanhaı Pýdýn áýejaıynan Beıjiń ýaqyty boıynsha saǵat 2:19–da ushyp shyǵyp, Jańa Zelandııanyń Oklend qalasynda eki saǵattyq tehnıkalyq aıaldama jasap, shamamen 25 saǵat 30 mınýttan keıin Argentına astanasyna jetti. 

20 myń shaqyrymnan astam qashyqtyqty qamtıtyn bul baǵyt álemdegi eń uzaq tikeleı reıs boldy.

China Eastern Airlines aptasyna eki reıs oryndaıdy: Shanhaıdan dúısenbi jáne beısenbi kúnderi ushyp, al seısenbi jáne juma kúnderi Býenos-Aıresten keri reıster oryndaıdy.

Buǵan deıin Germanııa úkimeti depýtattar úshin bıznes-klass reısterine qoıylǵan shekteýlerdi jeńildetkenin jazdyq.