Qytaı mektepke deıingi tegin bilim berý júıesin engizdi

ASTANA. KAZINFORM – Bıyl kúzden bastap Qytaı memlekettik balabaqshalardaǵy oqý aqysyn mektepke deıingi daıyndyq jylynda kezeń-kezeńimen alyp tastaıdy, dep habarlaıdy Kazinform Sınhýa agenttigine silteme jasap.

Resmı qujatta atap ótilgendeı, bul qadam otbasylarǵa túsetin qarjylyq júktemeni azaıtýǵa jáne mektepke deıingi bilim berý júıesiniń sapasyn arttyrýǵa baǵyttalǵan. 

Jekemenshik balabaqshalardyń tárbıelenýshileri úshin tólemaqyny tómendetý memlekettik mekemelerdegi joıylǵan tólem somasyna balamaly somada qarastyrylǵan. Mektepke deıingi mekemelerdiń tabysynan aıyrylýy memleket tarapynan beriletin sýbsıdııa esebinen óteledi. 

Sondaı-aq jergilikti bılik organdaryna azamattardyń áleýmettik osal sanattaryn, onyń ishinde az qamtylǵan otbasy balalaryn, jetim balalardy jáne erekshe bilim berýdi qajet etetin balalardy qoldaý sharalaryn kúsheıtý tapsyryldy. 

Qujatta balabaqshalardyń turaqty qyzmetin qamtamasyz etý úshin bıýdjettik jáne bilim berý bólimderinen olardy ýaqtyly jáne tolyq qarjylandyrý qajettigi basa aıtylǵan. 

Esterińizge sala keteıik, Qytaıdaǵy balabaqshalardyń aqysy aımaqqa baılanysty ózgeredi. Beıjińde memlekettik balabaqshalarda oqý jylyna 10 myń ıýannan (shamamen 1 394 dollar) bastalady. Jeke balabaqshalardyń quny áldeqaıda joǵary jáne aıyna bir bala úshin myńdaǵan dollarǵa deıin aqy tóleý kerek bolady. 

Habarlandyrý bılik ata-analarǵa úsh jasqa tolmaǵan árbir bala úshin jylyna 500 dollarǵa teń aqsha usynatynyn aıtqannan soń bir apta ishinde jasaldy. Úkimettiń bala kútimi boıynsha sýbsıdııalaý júıesi otbasylardy qoldaýǵa jáne bala týýdy yntalandyrýǵa baǵyttalǵan. 

Buǵan deıin Qytaı bala kútimi boıynsha sýbsıdııaǵa 12,6 mlrd dollar bóletinin jazǵan edik.