Qytaı «Matmo» taıfýnyna baılanysty jedel áreket etý rejımin iske qosty

ASTANA. KAZINFORM – Qytaıdyń sý tasqyny men qurǵaqshylyqqa qarsy memlekettik shtaby dúısenbi kúni «Matmo» taıfýnynyń jaqyndaýyna baılanysty jedel áreket etý rejımin iske qosty, dep habarlaıdy Sınhýa.

Sınoptıkterdiń boljaýynsha, taıfýn aldaǵy kúnderi aımaqqa 190 mm-ge deıin jaýyn-shashyn ákeledi. Bılik sý tasqynyn baqylaý, apattan zardap shekkenderge kómek kórsetý úshin arnaıy top jiberdi. 

Ótken demalys kúnderi taıfýn Qytaıdyń ońtústigindegi jaǵalaý aımaqtaryna jaqyndaǵan kezde Haınan jáne Gýandýn provıntsııalary shamamen 350 myń adamdy evakýatsııalady.

Gýansı-Chjýan avtonomııalyq aýdany jaǵalaýdaǵy jolaýshylar paromdarynyń barlyq reısin, jaǵalaý jobalaryn júzege asyrýdy jáne porttar jumysyn toqtatty jáne turǵyndardy kemeler men munaı platformalarynan evakýatsııalady.

«Matmo» taıfýny – Tynyq muhıtyndaǵy osy taıfýn maýsymyndaǵy 21-shi daýyl. Ol soltústik-batysqa qaraı shamamen saǵatyna 25 shaqyrym jyldamdyqpen jyljyp, nóser jaýyn men ekpindi jel ákeledi.

Biz buǵan deıin Qytaıdyń ońtústiginde «Matmo» taıfýnynan turǵyndar jappaı evakýatsııalanǵanyn habarlaǵan edik.