Qytaı Marsqa mıssııa úshin halyqaralyq seriktesterdi irikteýdi aıaqtady
ASTANA. KAZINFORM — Qytaı Ulttyq ǵarysh basqarmasy (CNSA) Qytaıdyń Marstan úlgiler jetkizý boıynsha «Tıanven-3» qytaılyq alǵashqy mıssııasy jobasyna qatysý úshin seriktesterdi irikteý qorytyndylaryn jarııalady, dep habarlaıdy Kazinform agenttiginiń Beıjińdegi menshikti tilshisi.
Baǵdarlamaǵa qatysýǵa barlyǵy 28 ótinim berildi. Sarapshylar ǵylymı qundylyǵy, tehnıkalyq daıarlyq jáne ınjenerlik múmkindikterge súıene otyryp bes birlesken jobany tańdady. Olarǵa COSPAR komıteti, Italııanyń Fraskatı ulttyq zerthanasy jáne basqa da jetekshi ǵylymı-zertteý ortalyqtarynyń ázirlemeleri kirdi.
Orbıtalyq modýlde úsh qural ornastyrylady, onyń ishinde tirshilik izderin izdeý jáne mıneraldardy taldaý úshin marstyq PEX spektrometri, atmosferalyq dıssıpatsııany zertteý úshin ıon quramyn taldaǵysh, sondaı-aq jel óristerin kartaǵa túsirý jáne sý ızotoptaryn ólsheý úshin lazerlik geterodındi spektrometr bolady.
Qyzmet modýli quramynda sý bar mıneraldardy izdeý jáne resýrstardy jalpy barlaý úshin gıperspektrlik kameramen jabdyqtalady. Sonymen qatar qoný modýlinde Mars betinde joǵary dáldiktegi navıgatsııalyq nysanalar retinde qyzmet etetin lazerlik buryshtyq shaǵylystyrǵyshtar jıyntyǵymen jabdyqtalady.
«Tıanven-3» ushyrylýy 2028 jylǵa josparlanǵan. Baǵdarlama kestesine sáıkes, Mars úlgilerin tasymaldaıtyn kapsýla Jerge 2031 jyly oralady dep shamalanǵan.
Osyǵan deıin Qytaı 2026 jyly aýqymdy ǵaryshtyq baǵdarlamany júzege asyratynyn jazdyq.
Eske sala ketsek, Qazaqstanda ǵaryshker bolýǵa úmitkerlerge qoıylatyn negizgi talaptar men qajetti biliktilikter aıqyndaldy.
