Qytaı «Manas» murasyn qorǵaý týraly ereje shyǵardy

ASTANA. KAZINFORM — Qytaıdyń Shyńjań ólkesi «Manastyń» materıaldyq emes mádenı murasyn qorǵaý týraly erejesin jarııalady, dep habarlaıdy qytaılyq «Halyq gazeti».

Atalǵan qujat osy jyldyń 1 mamyrynan bastap kúshine enedi. Qorǵaý erejelerinde «Manastyń» materıaldyq emes mádenı murasy resýrstaryn utymdy paıdalaný, mádenı ónimderdi ázirleý, mádenı qyzmet kórsetý» jáne «ádebıettiń, teatrdyń, beıneleý óneriniń, sýret, kıno jáne teledıdar men kórkem shyǵarmashylyqtyń ózge túrleriniń damýyn yntalandyrý» qajettigi naqty kórsetilgen.

Sol sııaqty erejede «Manastyń» materıaldyq emes mádenı murasyna muragerlik etetin daryndylardy tárbıeleýge, qarajat kózine, muragerlik oryndaryn salýǵa, «Manas» pen týrızmniń ıntegratsııasy damýyna baılanysty erejeler shyǵarý qarastyrylǵan. Qujatta alǵash ret «Manastyń» materıaldyq emes mádenı murasynyń taralýy aımaǵy men «Manas» eposy muragerleriniń ókilderi naqty anyqtalǵan.

Aıta keteıik, Shyńjańnyń Qyzylsý-Qyrǵyz oblysynda 300 myńǵa tarta etnıkalyq qyrǵyzdar turady. Osy jerden ejelgi «Manas» jyryn jatqa aıtatyn ataqty jyrshy Júsip Mamaı shyqqan. Qyrǵyzstan Júsip Mamaıǵa «Qyrǵyzdyń ulttyq batyry» ataǵyn berip, «Aq Shýmkar» ordenimen marapattaǵan. «Manas» eposy — qyrǵyz halqynyń eń qundy, osy kúnge deıin saqtalyp qalǵan ulttyq murasy. «Manas» álemdegi eń uzaq epostyq jyr sanalady. Jyr ıÝNESKO qorǵaýyna alynǵan.

Eske sala keteıik, buǵan deıin Qytaıda taıǵa tańba basý rásimi ótkeni týraly jazǵamyz.