Qytaı mamyr aıynyń basynda «Chane-6» aı zondyn ushyrady

ASTANA. KAZINFORM — «Chane-6» aı zondyn ushyrý mamyr aıynyń basyna josparlanǵan. Bul týraly Qytaı Ulttyq ǵarysh basqarmasy habarlady.

Senbi kúni «Chane-6» aı zondy men «Chanchjen-5 Y8» zymyran tasymaldaǵyshy Haınan provıntsııasyndaǵy Venchan ǵarysh aılaǵynyń ushyrý alańyna tiginen jetkizildi, dep habarlaıdy Sınhýa Qytaı Ulttyq ǵarysh basqarmasyna silteme jasap.

Ushyrý aldynda fýnktsıonaldyq baqylaý, birlesken synaqtar jáne zymyran tasyǵyshqa janarmaı quıý jumystary júrgiziledi.

«Chane-6» aı zondynyń mıssııasy – aıdyń kelesi betinen úlgilerdi jınaý.