Qytaı mamandyqtar tizimin bolashaqtyń talabyna saı jańartty
ASTANA. KAZINFORM — QHR-da eńbek naryǵyndaǵy keıingi ózgeristerdi kórsetetin mamandyqtardyń jańartylǵan tizimi tanystyryldy, dep habarlaıdy Kazinform agenttiginiń menshikti tilshisi Xinhua-ǵa silteme jasap.
QHR Adam resýrstary jáne áleýmettik qamsyzdandyrý mınıstrligi birqatar memlekettik organdarmen birlesip, 11 jańa mamandyq pen jumystyń 23 túrinen turatyn tizimdi jarııalady. Bul — 2019 jyldan bergi segizinshi jańartý.
Tómen áýe keńistigindegi ekonomıka salasynda drondar tobynyń ushýyn josparlaýshylar, drondarmen júk tasymaldaý mamandary jáne drondar men shaǵyn ushý apparattarynyń ıntellektýaldy baılanys júıelerin basqarýshylar paıda boldy.
Tsıfrlyq ekonomıka salasyna JI jónindegi ınjener-tehnık mamandar jáne shaǵyn elektr jelilerin basqarýshylar qosyldy.
Sala sarapshylary bul jańartýlardy eńbek naryǵynyń «barometri» sanaıdy, óıtkeni olar Qytaıdaǵy ónerkásiptik túleýdiń qarqynyn aıqyn kórsetip tur.
— Jańa kásipterdiń paıda bolýy — tehnologııalardy qoldanýdyń jańa baǵyttaryna, naryqtaǵy tyń ózgerister men tutynýshylardyń jańa suranystaryna berilgen tikeleı jaýap, — dedi Halyqaralyq bıznes jáne ekonomıka ýnıversıteti janyndaǵy Qytaı ashyq ekonomıkasyn zertteý akademııasynyń ǵylymı qyzmetkeri Lı Chanan.
Zhaopin onlaın-jumysqa ornalastyrý platformasynyń vıtse-prezıdenti Lı Tsıannyń aıtýynsha, jańa mamandyqtardyń paıda bolýy Qytaı ónerkásip júıesiniń joǵary tehnologııaly, aqyldy jáne ekologııalyq taza baǵytqa bet buryp kele jatqanyn ańǵartady.
Buǵan deıin Qytaıdyń joǵary oqý oryndarynda JI suranys óte joǵary mamandyqtardyń birine aınalǵanyn habarlanǵanbyz.
