Qytaı Lıaonın provıntsııasyndaǵy sý tasqynynyń saldaryn joıýǵa 30 mln ıýan bóldi
ASTANA. KAZINFORM — Qarajat búlingen joldar men áleýmettik nysandardy jóndeýge jáne turǵyndardyń qalypty ómirge tezirek oralýyna baǵyttalady, dep habarlaıdy Sınhýa.
Qytaıdyń Memlekettik damý jáne reformalar komıteti (MDRK) eldiń soltústik-shyǵysyndaǵy Lıaonın provıntsııasynda nóser jańbyr men sý tasqynynan keıingi qalpyna keltirý jumystaryna ortalyq bıýdjetten 30 mıllıon ıýan (shamamen 4,4 mıllıon AQSh dollary) bóldi.
Komıtettiń málimetinshe, bólingen qarajat negizinen búlingen ınfraqurylymdy, onyń ishinde avtojoldardy, sondaı-aq mektepter sııaqty áleýmettik nysandardy qalpyna keltirýge jumsalady. Bul jergilikti turǵyndardyń qalypty eńbek qyzmeti men kúndelikti ómirine tezirek oralýyna múmkindik beredi.
Bıylǵy toǵyzynshy «Bavı» taıfýnynyń soltústikke qaraı jyljýy saldarynan Lıaonın provıntsııasynda nóser jaýyn jaýyp, aýqymdy sý tasqyny boldy. Tabıǵı apattan ásirese Shenıan men Fýshýn qalalary jáne basqa da eldi mekender qatty zardap shekti.
Buǵan deıin, seısenbi kúni Qytaıdyń Tabıǵı apattardyń aldyn alý jáne olardyń zardabyn azaıtý jónindegi memlekettik komıteti Lıaonın provıntsııasynda tórtinshi deńgeıdegi tótenshe áreket etý rejımin engizgen bolatyn.
Budan buryn QHR Qarjy mınıstrligi men QHR Tótenshe jaǵdaılardy basqarý mınıstrligi birlesip, tabıǵı apattardan zardap shekkenderge kómek kórsetý jónindegi ortalyq qordan Fýtszıan jáne Chjetszıan provıntsııalaryndaǵy apattyq-qutqarý jáne qalpyna keltirý jumystaryna qoldaý kórsetý úshin 40 mln ıýan (shamamen 5,88 mln AQSh dollary) bólgeni habarlandy.
