Qytaı kosmetıka saýdasyna qoıylatyn talaptardy kúsheıtedi
ASTANA. KAZINFORM - Qytaıdyń Bas keden basqarmasy kosmetıkalyq ónimderdi ımporttaý jáne eksporttaý tártibine jańa baqylaý erejelerin bekitti.
Bul týraly Kazinform agenttiginiń Beıjińdegi menshikti tilshisi Sınhýa deregine silteme jasap habarlady.
Jańa sharalar tutynýshylardyń densaýlyǵyn qorǵaýdy kúsheıtýge baǵyttalǵan.
Qytaıdyń Bas keden basqarmasynyń ókili Lı Tszınsýn jańartylǵan reglament saladaǵy barlyq tizbekke tolyq baqylaý ornatýǵa múmkindik beretinin aıtty.
Onyń sózinshe, qujat transshekaralyq bıznes rásimderin de jeńildetedi.
Jańa ereje 2026 jyldyń 1 jeltoqsanynan bastap kúshine enedi.
— El boıynsha keden organdary farmatsevtıka naryǵyn retteýshi mekemelermen jáne basqa da vedomstvolarmen tyǵyz jumys isteıdi. Bul kosmetıkalyq ónimderdiń qaýipsizdik júıesin memlekettik retteýdiń ulttyq júıesine biriktirýge múmkindik beredi, — dedi Lı Tszınsýn.
Sheneýniktiń aıtýynsha, jańa talaptar deklaratsııa rásimderi men saraptama júrgizý tártibin júıeleıdi.
Baqylaýdan ótpegen ónimder mindetti túrde jetkizýshige qaıtarylady nemese joıylady.
Sońǵy jyldary kosmetıka sektory Qytaıdyń syrtqy saýdasyndaǵy strategııalyq mańyzdy baǵyttardyń birine aınalǵan.
Sala turaqty ósim kórsetip keledi.
2025 jyly Qytaıdaǵy kosmetıka aınalymy 171,61 mıllıard ıýanǵa jetken.
Bul shamamen 25,06 mıllıard dollarǵa teń.
Kórsetkish bir jyl burynǵy deńgeıden 2,7 paıyzǵa joǵary bolǵan.
Aıta keteıik, Qytaıda kıberkeńistikke qatysty 180-nen astam zań men normatıvtik akt kúshine endi.
