Qytaı qos maqsatty taýarlardyń Japonııaǵa eksportyna baqylaýdy kúsheıtpek
ASTANA. KAZINFORM – QHR-dyń Kommertsııa mınıstrligi seısenbi kúni qos maqsatty taýarlardyń Japonııaǵa eksportyna qatań shekteý engizetinin málimdedi.
Qytaı bul sheshimdi ulttyq qaýipsizdikti qorǵaý jáne halyqaralyq mindettemelerdi oryndaý maqsatynda qabyldap otyr, dep habarlaıdy Kazinform menshikti tilshisi.
Vedomstvonyń habarlaýynsha, eger taýardy azamattyq jáne áskerı maqsatta Japonııanyń qorǵanys salasy tutynatyn bolsa, Beıjiń bul taýarlardyń jetkizilýine tolyqtaı tyıym salmaq.
Jańalyqtyń basty erekshiligi eksterrıtorııalyq aýqymda qamtamasyz etý bolyp otyr.
— Vedomstvo taratqan málimdemede aıtylǵandaı, joǵaryda kórsetilgen talaptardy buza otyryp, Qytaı Halyq Respýblıkasynan shyqqan qos maqsattaǵy taýarlar men tehnologııalardy Japonııadaǵy uıymdar men jeke tulǵalarǵa bergen nemese jetkizgen kez kelgen el men óńirdiń zańdy jáne jeke tulǵalary qoldanystaǵy zańnamaǵa sáıkes zań aldynda jaýap beredi.
Atalǵan sheshim jarııalanǵannan keıin birden kúshine endi.
Osyǵan deıin Qytaıdyń 2026 jyly ımporttyq kedendik bajdy ýaqytsha tómendetetini týraly jazdyq.