Qytaı qorǵanynda eki eldiń ulttyq aspabymen «Qusnı Qorlan» kompozıtsııasy oryndaldy
BEIJІŃ. KAZINFORM – Naýryz meıramy qarsańynda Qazaqstan men Qytaıdyń ónerpazy eki eldiń ulttyq aspabymen Qytaı qorǵanynda qazaq kompozıtsııasyn naqyshyna keltire oryndady.
Naqtyraq aıtar bolsaq, «Qusnı Qorlan» kompozıtsııasyn qazaqstandyq mýzykant Aıgerim Ersaıynova qobyzben, al qytaılyq mýzykant ıAn Djııaıýan gýchjen aspabymen súıemeldedi.
— Sizdermen erekshe nárseni bóliskenime óte qýanyshtymyn. Alǵash ret eki mýzykant — biri Qazaqstannan, ekinshisi Qytaıdan — Qytaı qorǵanynda óner kórsetýge jınaldy. Biz mýzyka, mádenıet jáne dostyqtyń biregeı merekesin jasaý úshin dástúrli aspaptarymyzdy biriktirdik, - dedi Aıgerim áleýmettik jelidegi paraqshasynda.
Qazaqstandyq mýzkanttyń aıtýynsha, bul – ózara qurmet pen mádenıet almasýǵa negizdelgen eki ejelgi mádenıetter arasyndaǵy tereń baılanystyń kúshti toǵysýy.
— Mýzykada til joq. Ol shekaralardy asyp, júrek qylyn qozǵap, tyńdarman janyn tebirentedi, - dedi Aıgerim.
Aıta keteıik, Gýchjen – Qytaıdyń eń kóne mýzykalyq aspaby sanalady. Ol qurlymy jaǵynan qazaqtyń jetigen aspabyna uqsaıdy.
Buǵan deıin habarlaǵanymyzdaı, QHR-dyń burynǵy Elshisi Qazaqstannyń halyqaralyq is-sharalar ótkizýde tájirıbesi mol ekenin aıtqan edi.