Qytaı kómirden plastmassa óndirý boıynsha on shaqty jobany maquldady

ASTANA.KAZINFORM - Qytaı energetıkalyq ımportqa táýeldiligin azaıtý maqsatynda munaı ornyna kómir paıdalanyp, plastmassa men sıntetıkalyq kaýchýk óndiretin 30-dan astam jobany maquldady, dep habarlaıdy South China Morning Post basylymy. 

Beıjiń plastmassa, sıntetıkalyq talshyqtar jáne kaýchýk óndirýdiń negizgi shıkizaty sanalatyn olefın óndirý úshin óziniń baı kómir resýrsyn paıdalanbaqshy.

Olefınder dástúrli túrde munaıdan óndiriledi. Biraq kómirdi óńdeý óndiris shyǵyndaryn tómendetýge múmkindik beredi jáne eldiń otyn ımportyna osaldyǵyn azaıtady.

Sońǵy jyldary bılik barlyǵy 36 osyndaı jobany maquldady, onyń 20-sy qazirdiń ózinde iske qosyldy. Olardyń jalpy qýaty jylyna 24 mıllıon tonnadan asady. China Science Daily basylymynyń málimeti boıynsha, negizgi nysandar kómirge baı aımaqtarda, sonyń ishinde Shensı provıntsııasynda jáne Іshki Mońǵolııa avtonomııalyq aýdanynda ornalasqan.

PTGChemical salalyq blogynyń esepteýine sáıkes, tehnologııa munaı baǵasy barreline 35 dollardan joǵary bolǵan kezde de tıimdi bolyp qala beredi. Kómirden olefınder óndirý quny tonnasyna shamamen 6300 ıýan (shamamen 900 dollar) quraıdy dep esepteledi. Bul munaı shıkizatyn paıdalanýǵa qaraǵanda shamamen 1500 ıýanǵa (shamamen 215 dollar) arzan.

Biz buǵan deıin Qazaqstan prezıdenti Qasym-Jomart Toqaevtyń kómirdi tıimdi paıdalanýǵa shaqyrǵanyn habarlaǵan edik.