Qytaı kólikteri týraly sonshalyq qatań syn estimeppin — Roman Sklıar

ASTANA. KAZINFORM — Premer-mınıstrdiń birinshi orynbasary Roman Sklıar Táýelsizdik saraıyndaǵy «Ortalyq Azııa-Qytaı» sammıtiniń kýlýarynda Qytaı kólikteriniń sapasy týraly pikir bildirdi.

— Men qytaılyq avtokólikter týraly qatań synaǵan pikir eshqashan estimeppin. Qalaı degenmen de bul belgili bir deńgeıdegi fobııa dep oılaımyn. Qytaı aıtarlyqtaı sapaly ónim shyǵaryp otyr. Men tipti ol kólikterdiń syrtqy beınesi qandaı tartymdy ekenin aıtyp ta turǵan joqpyn. Buryndary koreıalyq avtomobılder týraly da osyndaı syndar aıtylatyn. Qytaılyq avtomobılder aıtarlyqtaı senimdi, qoldanysqa qolaıly, eń bastysy baǵasy qymbat emes, — degen Roman Sklıar kimniń qaı eldiń kóligin minetini óz qalaýy men qaltasyna baılanysty degen paıym aıtty.

Premer-mınıstrdiń birinshi orynbasary keı óndirýshi kólik qunyn túsirmeı, qymbat kólikter shyǵaryp otyrǵanyn aıtty.

— Keıbir avtomobıl óndirýshi kólik qunyn túsirmeı, áldeqaıda qymbat kólikter shyǵaryp otyr. Olardyń óz satyp alýshylary bar, — dedi ol.

Buǵan deıin Ónerkásip jáne qurylys vıtse-mınıstri Oljas Saparbekov te Qytaı kólikteriniń sapasy týraly pikir bildirgen bolatyn.