Qytaı qyrkúıekte Beıjińde ótetin paradta jańa qarý túrlerin kórsetedi

ASTANA. KAZINFORM – Qytaı Halyq azattyq armııasy (QHAA) Beıjińde Ekinshi dúnıejúzilik soǵystaǵy jeńistiń 80 jyldyǵyna oraı ótetin paradta gıperdybysty zymyrandar men ushqyshsyz ushatyn júıelerdi kórsetedi, dep habarlaıdy Kazinfrom agenttiginiń menshikti tilshisi.

Bul týraly QHR Ortalyq áskerı keńesi Birlesken shtabynyń jedel basqarý qyzmeti bastyǵynyń orynbasary general-maıor Ý Tszeke málim etti.

Ol keltirgen málimetterge qaraǵanda, paradta Qytaı qarýly kúshteri qurylymynyń jańa túrleri kórsetiledi jáne alǵash ret strategııalyq qarýlardyń jer, teńiz ben áýedegi, sondaı-aq gıperdybysty, taýly aımaqta soqqy beretin, ushqyshsyz ushatyn, ushqyshsyz ushatyn apparattarǵa qarsy qurylǵylardyń keıbir túrleri tanystyrylady.

Paradta 45 top qurylyp, olardy tanystyrý 70 mınýtqa sozylady.

Jeńis parady 3 qyrkúıekte Beıjińde ótedi.

Osyǵan deıin Ońtústik Koreıa qarýly kúshteriniń sany alty jylda 110 myńǵa azaıǵany týraly jazdyq.