Qytaı Qyrǵyzstannyń «jasyl» energetıkasyna 1 mlrd dollarǵa deıin ınvestıtsııa salýǵa daıyn
BІShKEK. KAZINFORM — Qyrǵyzstannyń ınvestıtsııalar jónindegi Ulttyq agenttigi men China Energy Engineering Investment kompanııasy energııanyń jańartylatyn kózderi salasyndaǵy yntymaqtastyq jáne eldegi ınvestıtsııalyq jobalardy júzege asyrý máselelerin talqylady, dep habarlaıdy Kazinform-nyń Bishkektegi menshikti tilshisi.
UIA baspasóz qyzmetiniń habarlaýynsha, Qytaı tarapy Qyrǵyzstanda jalpy qýaty 700 MVt-qa deıingi elektr stantsııalaryn salýǵa 1 mlrd dollarǵa deıin ınvestıtsııa salýǵa qyzyǵýshylyq tanytty, onyń 500 MVt-y kún energııasy, al 200 MVt-y jel energııasy stantsııalary bolady.
Vedomstvo Qyrǵyz Respýblıkasy jańartylatyn energııa kózderin damytýdy basymdyq retinde qarastyratynyn atap ótti.
— Biz halyqaralyq seriktestermen yntymaqtastyqqa ashyqpyz jáne olardy ınvestıtsııalyq jobalardyń barlyq kezeńinde qoldaýǵa daıynbyz, — delingen málimdemede.
Kezdesý qorytyndysy boıynsha taraptar yntymaqtastyqtyń naqty baǵyttaryn birlesip ázirleýge jáne ınvestıtsııalyq bastamalardy praktıkalyq deńgeıde qarastyrýǵa kelisti.
Eske salsaq, Qazaqstan prezıdenti jasyl energııa óndirý men bilim berýge qatysty áriptestik jónindegi qujatqa qol qoıdy.
Ortalyq Azııada «jasyl» energetıka qalaı damyp jatqanyn myna materıaldan oqı alasyz.
